Metro Bilbaoko arduradunek emaniko azalpenak entzun ostean eta gelditze berriak egoteko dagoen arriskuaren aurrean, EAJ-PNVk Eusko Jaurlaritzaren Herrilan eta Garraio Sailburuari eskatu dio gaiari heldu diezaiola “Metro Bilbaon  egin diren izendapen eta ordezkapenek ez dutelako ezertarako balio izan”. “Gatazka gaiztotu egin da, eta honek agerian utzi du zerbitzua hiritarrek merezi duten kalitate mailan mantentzeko ardura dutenek ez dutela horretarako gaitasunik”.  

EAJ-PNVk azpimarratu du “hiru gauzek kezkatzen dutela”. “Garrantzitsuena da hiritarrak direla gehien sufritzen dutenak eta munduko eskubide guztia dute metroa duela urte batzuetara arte zen garraiobide eraginkor eta ondo baloratua gozatzeko”.

EAJ-PNVrentzat kezkagarria ere bada “inork ez duela gatazkaren izaera ulertzen. Ez da ulergarria kudeatzaile eta langileen arteko auziak hainbesteraino iristea, eta hain larriak izatea, gatazka horrela luzatzeko eta gogortzeko moduan. Are ulertezinagoa izango da orain bizi dugun  eta Bizkaiko milaka biztanleei, hauetako asko metroaren erabiltzaile, eragiten dien egoera ekonomiko,sozial eta laboral latzean kokatzen badugu”.

Amaitzeko, Euzko Alderdi Jeltzaleak ulertzen du “PPri ere dagokio gatazka honi amaiera ematea, Eusko Jaurlaritzak egiten duen gestioaren, eta kasu honetan, Metro Bilbaoren gestioaren ardurakidea delako. PPk benetako konponbideak eman nahi baditu eta hiritarrei kalteak aurreztu nahi badizkio, badaki zein den horretarako bide egokia”.