Bilboko Udalak adierazi duenez, Bilbo World Cities Summit Mayors Forum 2013 biltzarraren egoitza ofizial gisa aukeratu izanak Bizkaiko hiriburuak hirigintza arloko eraldatzeari dagokionez egin duen ibilbidea aintzatestea dakar; hain zuzen ere, eraldatze hori itsasadarra berroneratzeari loturik dago, eta bai “arkitekturaren eta diseinuaren, berdeguneen sustapenaren eta biztanleriaren bizi-kalitatea areagotzearen aldeko apustuari ere”.  

2010. urtean, Lee Kuan Yew World City Prize saria jaso zuen Singapurren Bilboko hiriak, hiriko erkidego “bizkor, bizigarri eta iraunkorra” eratzearen aldeko aitzindaritzaren aintzatespen gisa, Bizkaiko hiriburua, apustu horri esker, ezinbesteko erreferente bilakatu baita nazioartean.