Zorpetze berririk aurreikusten ez duen aurrekontu egitasmo hau, JoseLuis BilbaoBizkaiko Ahaldun Nagusiak aurkeztu du. Bilbaok kontu "gogor eta doikuntzazkoak" direla aitortu du. Aurrekontua 6.578 milioi eurotan ezartzen da, % 4,3 gutxiago.

Bilbaok iragarri duenez, datorren urterako kontuek doikuntza neurri batzuk aurreikusten dituzte, besteak beste bertan behera geratuko dira Adineko pertsona nagusientzako bidai plana eta kirol profesionalari ematen zaion laguntasuna -- Atlhetic Klub, Bilbao Basket eta Euskatel Euskadi Txirrindularitza Fundazioa--.  

Aurrekontuetan 2013ko soldatak izoztea aurreikusten da, eta beste alde batetik, orain arte ematen ziren 14 ordainsariak mantentzen dira, Gabonetakoa barne.