Josu Erkorekak hitz horiek esan ditu gaur Nikolas Deuna Plazan, metroko hirugarren linearen lanen aurrean egin den ekitaldian. "Hirugarren linea da lankidetzaren adibide argia. Linea hau  egin ahal izan da erakunde publikoak elkarrekin aritu direlako, elkarrekin eraikiz. Euskal erakundeak eskutik goaz eta hala egiten  dugu proiektu bera partekatzen dugulako: etorkizuneko Euskadi eraikitzeko konpromisoa. Euskadi iraunkorragoa. Euskadi konektatuagoa eta kohesionatuagoa".

Erkorekak euskal erakundeen lana, " aurrera egiteko, etorkizuna eraikitzeko" egiten dena, Estatutik egiten den lanarekin alderatu du "etengabe oztopoak jartzen dizkigute, besteak beste, horra hor, AHT, oraindik iritsi ez dena".

Hautagai jeltzaleak azpimarratu du azpiegituretan inbertitu beharko dela pertsonen mugikortasuna hobetzeko eta beren bizitza kalitatean inbertitzeko. Era berean azpimarratu ditu Euzko Alderdi Jeltzaleak euskal herritar guztion dirua arduraz eta erantzukizunez kudeatzeko egiten duen apustua eta hartu duen konpromisoa.

Amaitzeko, Erkorekak,  metroaren ohiko erabiltzailea  dela aitortzeaz gain, harro aipatu du  EAJ-PNVk  mugikortasun iraunkorraren alde daukan konpromisoa: "Linea honek  279 milioi euroko inbertsioa suposatu du eta zerbitzua eman die Bilboko iparraldeko auzoetako biztanleei, herrien arteko lotura hobeak ahalbidetzeaz gain".