Aberri Eguna 2019
Posta Bidezko Botoa

Prentsa Aretoa

Berriak

2019/03/20

Emakumezkoak gizonezkoak baino gehiago dira Eusko Jaurlaritzan lehen aldiz

Iñigo urkullu Lehendakaria Nekane Murga Eizagaechevarria Osasuneko sailburu karguaz jabetzeko ekitaldiaren buru izan da

rss Ezagutzera eman
Emakumezkoak gizonezkoak baino gehiago dira Eusko Jaurlaritzan lehen aldiz

ARGAZKIA JAITSI

Ekitaldia Ajuria Enea jauregian izan da, eta bertan egon dira Legebiltzarraren mahaikideak ere. Lehendakariak izendatze-dekretua irakurri ondoren, Nekane Murga Eizagaechavarriak karguaren zina egin du formula hau erabiliz: "Hartzen dudan agintea, Euska-diren zerbitzuan eta legearen arabera, zintzo eta leialki erabiliko dudala, hitz ematen dut". Eusko Jaurlaritzan, lehen aldiz, emakumezko sailburuak gizonezko sailburuak baino gehiago dira. 

Iñigo Urkullu Lehendakariak ongi etorria eman dio Nekane Murga Eizagaechevarriari Osasuneko sailburu moduan, eta, era berean, aitortu egin du Jon Darpon Sailburuak erakitsi duen konpromisoa, zintzotasuna eta leialtasuna. “Urte hauetan egindako lanari esker, Osasun Sailaren eta Osakidetzaren izen ona eta aintzatespena indartu egin dira, Osakidetza hazi eta gaurkotu egin da; hiritarren ongizatea eta bizi kalitatea hobetu egin dira”, esan du. Gainera, Lehendakariak Jon Darpón-en ibilbidea eredugarria izan dela azpimarratu du.

Osasuneko sailburu Nekane Murga Eizagaechavarria-k bere lanaren ardatz nagusia pertsonak izango direla azpimarratu du. Horrez gain, Murga sailburuak osasun-sistema unibertsala eta kalitatekoa finkatzeko konpromisoa hartu du. Horrela, helburuak Euskadi hogei-hogei Gobernu Programan jaso direla adierazi du, eta bere eginkizuna horiek betetzea izango dela. “Elkarrekin lan egin behar dugu, auzolanean, osasuna hobetzen jarraitzeko”, esan du.

iturria: Irekia

Aberri Eguna 2019
Next Euskadi
Alderdi Eguna 2018