Next Euskadi

Prentsa Aretoa

Berriak

2019/04/14

Damián Agirremota Pujana izango da Areatzako EAJ-PNVren alkategaia

Hautagai jeltzalearen ustetan “beharrezko dugu gehiago inbertitzea kaleen garbiketan, lorategiak hobetzeko lanetan, bideetan… Zerbitzu moderno eta egokia eskaini behar dugu”

rss Ezagutzera eman
Damián Agirremota Pujana izango da Areatzako EAJ-PNVren alkategaia

ARGAZKIA JAITSI

Damián Agirremota Pujana izango da Areatzako EAJ-PNVk maiatzeko udal hauteskundeetan aurkeztuko duen zerrendako burua. Duela 15 urte amaren jaioterrira bizitzera joan zenetik, bertako bizitza sozialean integratu da eta 2007-2011 urte bitartean Udal Gobernuko kide izan zen. Aurrekontuen arduraduna izan zen eta, horrez gain, Areatzako ordezkari Arratiako Mankomunitatean.

Zinegotzia da gaur egungo legealdian eta lehen eskutik ezagutzen ditu udal kudeaketaren gabeziak. “Gehiago inbertitu behar da kaleen garbiketan, lorategietan, bideetan… Zerbitzu moderno eta egokia eskaini behar da”, nabarmendu du. Beste alde batetik deitoratu du igeritokietara sartzeko tasak igo direla eta kultur eta kirol taldeei ematen zaizkien diru laguntzak hobeto banatu beharra dagoela esan du. Garraio publikoa hobetzea eta herriko merkataritza sustatzea ere badira bere helburuetako bi. “Ilusio handiz eta lan egiteko gogoekin” ekin nahi dio erronkari eta Agirremotaren lantaldea osatzen dute esperientziadun pertsonek eta aurpegi berriek. “Herria ezagutzen dugu eta herriak ezagutzen gaitu; zintzotasuna,seriotasuna eta kriterioa eskaintzen ditugu; hitza ematen dakigun pertsonak gara”.

Duela 59 urte jaio zen Bilbon eta hango Udalean lan egin du hiru hamarkadatan. Duela lau urte bultzatu zuen Xake Bizi Areatza Kirol Kluba eta monitore lanaz aparte, lehiaketak antolatzen ditu. Ezkondua da eta bi alaba biki ditu eta denbora librea ere gozatzen du “lagun artean mahai baten inguruan”.

Next Euskadi