Euskal Taldeak Justiziaren Zerbitzu Publikoaren eraginkortasunaren arloko neurriei buruzko Lege Organikoan okupazioaren arloko zuzenketa bat sartzea lortu du gaurko osoko bilkuran. Gaur onetsi den zuzenketak aukera emango du bizilekua usurpatzearekin eta bizilekua bortxatzearekin zerikusia duten delituen kasuan prozesu judizialen prozedura laburtua egiteko, bi arau-hauste horiek Prozedura Kriminalaren Legearen prozedura azkarreko delituen zerrendan sartu baitira. Alderdi jeltzaleak Justiziaren Eraginkortasunari buruzko Lege hau babestu du. Izan ere, batzordetik igarotzeko fasean, zuzenketa bat ere sartu zuen, Euskal Autonomia Erkidegoko Justizia Administrazioaren lanpostu hutsen kupo batean euskara baldintza gisa ezar dadin. Itun horrek balioko du "euskal herritarrei arreta egokiagoa emateko eta euskaraz hitz egiteko eskubidea erabili nahi dutenei zerbitzu publikoa hobeto eskaintzeko".