EAJ-PNVko hainbat ordezkarik, Iñigo Ansola eta Aitor Esteban buru, BBBko eta EBBko presidenteak, hurrenez hurren, Gogorregi Konpartsak Bilboko Aste Nagusian parte hartzeko egindako gonbitari erantzun diote aurten ere, ohiko Elkartasun Egunaren kariaz. Eguna Euskadiko Down Sindrome eta beste adimen urritasunen fundazioarekin, bai eta Bizkaiko Parkinson Elkartearekin lankidetzan burutu da.

Gogorregi Konpartsak antolatzen duten ohiko txandan, Bizkaiko jeltzaleen jai-egutegian ezinbestekoa den hitzordua, alegia, Ane Támara, Leire Urtasun, Mikel Hidalgo eta Jesus Lekerikabeaskoa, Aritz Abaroa, Alfonso Aliende eta Lorea Bilbao, BBBko burukideak; Andoni Busquet eta Manu Tejada, EBBko burukideak; Elixabete Etxanobe, Bizkaiko diputatu nagusia; Ana Otadui, Batzar Nagusietako presidentea; Juan Mari Aburto, Bilboko alkatea; Oihane Agirregoitia, eurodiputatu jeltzalea; Itziar Urtasun eta Asier Abaunza, zinegotzi bilbotarrak eta hainbat batzarkide ere izan dira.

Parte hartu duten elkarteak protagonista izan dira jai-eremua dinamizatuz, herritar guztiei zuzendutako jarduera parte-hartzaile eta inklusiboekin. Horrez gain, Gogorregik bildutako diru-sarreren zati bat erakundeek urte osoan garatzen dituzten proiektu sozial eta asistentzialak babestera bideratuko ditu.