Urkulluk adierazi legez: “Sumatzen dugu SAk ez dakiela zelan atera kinka larri horretatik. Hitzaurrea baino ez badu onartzen eta gainerakoa txarresten badu, eragotzi egingo du-eta gizartea kontsultatu ahal izatea”. Urkulluk salatu gura izan du  Batasunak ez duela Estatutuaren gainerako edukian “sartu nahi”,  proposamenak “askatasun, erabakitzeko gaitasun eta autogobernu gehiago” eskaini arren. Urkulluren esanetan “Batasunak iruzur egiten dihardu xede-adierazpenak baino planteatzen ez dituenean”.

BBBren lehendakariak jakinerazi du ez duela ulertzen nola “banatu” ote daitekeen proposamenaren osotasuna, “erabakitze-gaitasuna eta autogobernu-gaitasuna, biek osatzen dute-eta hirukoaren proposamena”.