Buruzagi jeltzaleak gaineratu duenez "gobernagarritasun-formulak diseinatzeko eta  babesak bilatzeko prozesu eta lan guztia Lehendakariari dagokio. EAJ-EA koalizioarentzat argi eta garbi dago zein den gizartearen gehiengoa ordezkatu nahi duen erdibidea. Erdibide hori hirukoaren formula da".

Era berean, esan duenez "irekiak gaude bai batzuekin, zein besteekin, akordio zehatzetara heltzeko. Izan ere, hauteskundeen emaitzek horretara behartzen gaituzte eta gure lehen apustua Aralarren aldekoa da".

"Ezker Batuak Ganberan berezko taldea eduki ahal izateko EAk nahi duena erabakitzeko eskubidea dauka baina horrek ez du eraginik izan behar egonkortasun formulak bilatzerako orduan. Egonkortasun formula horiek hiruko gobernuan eta beste talde batzuekin akordio zehatzetan oinarritu behar direlarik".

Gobernua eratzeko elkarrizketez galdetu diotenean BBBren lehendakariak "hasieran behintzat, iazko legegintzaldian hirukoaren barruan izan ginen erakundeen artean izango direla" adierazi du.

Hala ere, gaineratu duenez "Lehendakariaren inbestidura saioa nola garatuko den jakiteko erakunde politiko guztiekin elkarrizketatuko gara, nahiz eta, gobernagarritasun formulak hirukoan oinarrituko dira".