Euskadi Irratian egin dioten elkarrizketan Urkulluk azpimarratu du "baketze prozesua aurrera doala eta zentzu honetan, urratsak eman egin behar direla, hala ere, asteburuko iragarpenean ez genuen entzun prozesu honetan Estatuko Gobernuaren aldetik izan daitezkeen bestelako konpromiso batzuei buruzko adierazpenik".

"Arazo politikoei heltzerakoan legediaren barruan borondatea errespetatuko duela dio Zapaterok baina guk uste dugu legediak berak ere zirrikituak usten dituela eta ez zen, arlo horretan, inolako konpromisorik izan. Beraz, Zapateroren jarrera ulergaitza egiten zaigu. Batetik, politikoki esne-berbekin edo hitz potoloekin betetzen gaitu eta bestetik, inolako konpromisorik hartzen ez duela ikusten dugu" gaineratu du buruzagi jeltzaleak.