Abadiñoko kultur etxean emandako prentsaurrekoan, Ortuzarrek jakinarazi du auzitegiek Javier Uriarteri izen ona itzuli diotela. «Abadiñora etorri gara gaur azken hauteskundeak arte alkate izan denaren zintzotasuna berrestera. Udala gobernatzen duten independenteek EAJren ordezkari honen kontra egindako adierazpen okerrak auzitegiek largestu egin dituzte, eta hori ospatzera ere etorri gara.»

BBBko presidenteak adierazi du, kasua eraman duen epaile Pilar Barés Bonillak bertan behera utzi dituela auzitegietara eta komunikabideetara egungo Abadiñoko alkate José Luis Navarrok eramandako ustezko irregulartasunak. Era berean, gogorarazi du orain artxibatutako akusazioak etengabe eztabaidatu zituztela Abadiñoko Udalean aurreko legegintzaldian.