Ebazpenak,  Muriola eta San Telmo eskualdeak urbanizagarritzat jotzen zituzten aginduak indargabetu ditu. Inguru hauek paisaia babesteko eskualdetzat hartzen ziren lehenago.

Alderdi jeltzaleak azaldu duenez, "gogor lan egingo dugu gure udalerriaren etorkizuna konpontzeko, herritarren sentsibilitate guztiak asetuko dituen eta gure udalerrian paisaiaren aldetik zaindu beharreko lurzoru babestua mantentzen eta gordetzen lagunduko duen hirigintza garapen jasangarriaren alde gaudelako". "Hori dela eta, elkarrizketarako prest gaude, Barrikarako konponbiderik egokiena adosteko" gaineratu du.

Era berean, EAJk Barrikako auzokide guztiak animatu ditu "Barrikako Egitasmo Orokorraren Hirigintza Planeamenduan parte har dezaten, ondo iruditzen zaizkien alegazioak aurkezten, gure udalerriaren etorkizuna bide onetik eraman dezagun".