Radio Euskadiri eskainitako elkarrizketan Ortuzarrek salatu duenez "Euskadin egina baina Euskadiren parte hartzerik gabeko gailurra izan da, euskal lurrean eginikoa baina euskaldunik gabe, gobernu arteko gailurra Eusko Jaurlaritza egon gabe".

Egoera honetan esan du beharrezkoa dela Euskadirentzako "marko politiko berria". "Donostian gailurra izan da eta euskal instituzioetako inork ezin izan du parte hartu".

"Eta, zelan eskatuko dugu marko politiko berria, halako egoerak gertatzen badira? Gertatzen dena da argazkian irtetearekin eta afaria ordaintzearekin konformatzen den Lehendakaria dugula. Guk ez dugu hori nahi, parte hartu nahi dugu, Europari eskaini nahi diogu guk daukagun onena, gure indarra, gure gaitasuna.........eta Europan ere defendatu nahi ditugu gure interesak" gaineratu du burukide jeltzaleak.