Zerbitzu honekin jakintzak, esperientziak eta aktibitateak denboraren truke emango dira, hau da, pertsona batek bere denborako ordu bat jarduera zehatz baterako ematen badu, ordu bat emango zaio, trukean eskatuko duen zerbitzua jasotzeko.

Ekimen honek loturak eta harremanak sortzen ditu beren denboraren zati bat, jakinduria eta trebetasunak eskaini nahi dituzten pertsonen artean, eta ondorioz erkidegoa da onuraduna.

Hauek dira abian jar daitezkeen jarduera batzuk

- Ume txikiak edo adinekoak zaintzea

- Irudi pertsonala hobetzeko aholkularitza

- Informatika

- Etxeko lanak

- Hizkuntzak ikastea

- Musika ikastea

Hitzartutako funtzionamendua; 

Pertsona bakoitzak bere zerbitzua berme osoz eman behar du. Idazkariak bitartekari lana egingo du (eskaintzak, eskariak, ordutegiak...) ezagutzera emanda, baina inoiz ez da ematen den zerbitzuaren kalitateaz arduratuko.