Hain zuzen ere, “Norberaren zaintza: emozioen kudeaketa pertsona zaintzaileengan” izeneko tailerrean 25 getxotarrek hartu zuten parte; “Mendeko pertsonen egoera zailen maneiua” titulupekoan, 16 lagunek; eta “Mendeko senideak zaintzen dituzten pertsonentzako laguntza psiko-sozialeko tailerrean”, 17k.

Dependentzia agiria eta diru-laguntzaren bat duten zaintzaileei zuzendutako hurrengo heziketa ikastaroak irailean emango dira ezagutzera. Aurrekoetan bezala, Gizarte Zerbitzuek eskainiko dute informazioa eta eskaerak udalerriko Herritarren Arretetarako Bulegoetan aurkeztu beharko dituzte interesatuek.