Radio Euskadiri eskainitako elkarrizketan, Ortuzarrek adierazi du PPren Gobernuak hartutako erabakiek ez dutela zerikusirik gizarteak eskatzen duenarekin, gehiengo absolutua duen arren, gehiengo sozialik ez duelako.

"Ganberan du gehiengo aritmetikoa, baina gizartean gauzak oso bestelakoak dira, grebak, protestak, PPk hartutako neurrien eraginez pizten ari den iraultza soziala.... neurriak hartu behar direla eta egokitzapenak egin behar direla ulergarria den arren, PP hartzen ari diren neurriak gehiengo sozialaren pentsamenduaren kontra doaz” gaineratu du.

Hortaz, Alderdi Popularrari eskatu dio “idulkitik” apurtxo bat jaitsi dadila. Halaber, zergen amnistiaren kontrako jarrera defendatu du, bere esanetan  zergak bildu behar direlako, baina ez edozein preziotan, baizik eta iruzurraren eta zerga delituaren kontra eginez, Bizkaiko Foru Aldundiak”egiten duen gisara” alegia.