Next Euskadi

Prentsa Aretoa

Berriak

2021/06/09

EAJk “Pandemiaren Aurkako Legea” onartzeko Elkarrekin Podemosekin egindako akordioa agurtu du eta bere jarrera eraikitzailea eskertu du

Luis Javier Telleriaren hitzetan, "Euskadirentzat ona" den akordio batekin amaitu dira azken asteotan alderdi morearekin izandako negoziazioak, "Bizi dugun denboraren larritasunagatik. Erantzukizunez eta elkar ulertzeko espiritu zintzoz erantzun da, eta beste alderdi batzuek uko egin diote horri"

rss Ezagutzera eman

ARGAZKIA JAITSI

BIDEOA JAITSI

PARTEKATU BIDEOA

EAJ-PNVko eta PSE-EEko talde parlamentarioek akordioa sinatu dute Elkarrekin Podemos-IUrekin ekainean bertan Covid-19 pandemia kudeatzeko neurrien lege-proposamena onartzeko. Jeltzaleek txalotu egin dute ituna, "Unean uneko premiagatik" eta lan eredu "zintzoa, arduratsua eta eraikitzailea" delako. Luis Javier Telleria legebiltzarkideak Elkarrekin Podemos-IU alderdiak araua Eusko Legebiltzarrean aurkeztu zenetik adierazi duen borondatea azpimarratu du; eta jarrera on horrek, Jaurlaritzari babesa ematen dioten bi taldeen lanarekin batera, ituna argitzea ahalbidetu duela gaineratu du. "Lehenengo minututik esan genuen elkarrizketa arina eta zintzoa bultzatuko genuela bizi dugun unearen larritasuna ulertzen duten alderdi guztiekin. Adostasuna eskaini genuen eta formazio moreak bidalketa jaso zuen. Aste biziak izan dira, dokumentu asko gurutzatu dira, eta gaur akordio bat aurkeztu dugu, sinatzaileak eroso sentitzen gara, negoziazio guztietan bezala, ileak katazuloan utzita", esan du Telleriak.

Miren Gorrotxategi Elkarrekin Podemos-IUko bozeramaileak Iñigo Urkullu lehendakariarekin izandako elkarrizketaren ostean hasi zen Elkarrekin Podemos-IU alderdiarekin izandako elkarrizketa. Topaketa horren ondoren, non bi solaskideek adierazi baitzuten elkar ulertzeko asmo irmoa zutela, elkarrizketak amultsutasun-giroan egin dira, eta giro horrek "akordio honetara eraman gaitu, eta kointzidentziak izan ditzakegun lan-arlo eta gai guztietan mantendu nahiko genuke. Orain ‘Pandemiaren Aurkako Legea’ negoziatu dugu, baina lege-proiektu eta proposamen ugari ditugu tramitazioan, eta gurekin lan egin nahi duen ororekin onartu nahiko genituzke ". Telleriak gogora ekarri ditu EH Bilduk adierazitako errezeloak eta PP+C 's-ek eta Voxek lege honi emandako danbatekoa; jarrera oso kritikoa eta itxia, esan du Telleriak, hurbilketa ezinezko egiten zuena. "PP+C´s-ek ez zuen gurekin akordioa lortu nahi, eta de facto negoziaziotik kanpo utzi zuen bere burua, konstituzio-kontrakotasuneko errekurtso bat aurkezteko mehatxua egin zuelako. EH Bildu ez da gurekin harremanetan jarri bere proposamenak aztertu ahal izateko eta, bereziki baikorrak ez garen arren, aztertu egingo ditugu eta izan dezakegun tartea aztertuko dugu, hala badagokio, testuan sartzeko". Zentzu horretan, Elkarrekin Podemos-IUk bere botoak baliatzeko egindako ariketa praktikoa baloratu du ordezkari jeltzaleak, akordio honen ostean indartuko den lege baten edukia aldatzeko.

ADOSTASUN PUNTUAK

Koalizio morearekin negoziatzeari esker, testu bermatzaileago bat sortu ahal izango da, eskubide batzuk baliatuz (biltzeko eskubidea, lan-eskubideak…) eta herritarrei eta erakundeei informazioa emateko prozesuekin. Horrela, herritar guztiek unean-unean ezartzen diren neurrietarako duten irisgarritasuna indartzeaz gain, LABIren Aholku Batzordearen eta Batzorde Teknikoaren irizpenak behar bezala argitaratuko dira, eta Eusko Legebiltzarrera, Batzar Nagusietara eta Eudelera bidaliko dira, hobeto kontrola ditzaten. Gotzone Sagardui sailburuak Osasun Batzordean egingo dituen agerraldiak 15 egunean behin txandakatuko dira, eta Gobernuko kide batek agerraldia egingo du legearen aplikazioaren, harreman sozialetan duen eraginaren eta horiek konpentsatzeko estrategiaren berri emateko. Parte-hartze handiagoa lortze aldera, neurrien aurretiazko kontsulta sustatuko da eragindako pertsona edo kolektiboekin.

Zehapen-kapituluan, lege-testuan jasotako hutsegiteren bat behin eta berriz egin izana kentzea jasotzen du akordioak.

Next Euskadi