HARREMANETARAKO
WWW.EAJ-PNV.EUS
Prentsa Aretoa
Berriak
BERRIA
2012/04/18
Izaskun Bilbaok Estrasburgon eskatu du “biktimentzako ordaina, Gernikako bonbardaketaren 75. urteurrenean”
Izaskun Bilbao EAJ-PNVren eurolegebiltzarkideak Estrasburgon Gernikako bonbardaketaren 75. urteurrena gogoratzeko egin den ekitaldian eskatu du, “frankismo eta guda zibileko biktima guztientzako justizia,ordaina eta oroimena”. Bilbaok bere hitz egitean azpimarratu duenez, foru hiribildua “bake sinboloa da mundu osoan, Picassoren koadro ezagunaren eraginez”. Bilbaoren hitzetan, arte lan hau “Euskadin erakutsi beharko litzateke”.
BERRIA
2012/04/16
Urkulluk Cabacasen heriotzaren “alderdi guztiak” ikertzea eskatu du
Iñigo Urkullu EAJ-PNVren EBBren presidenteak Iñigo Cabacas Athletic zalearen heriotzaren inguruabar denen “alderdi guztiak” ikertzea eta “puntu guztietara iristea” eskatu du. Era berean deitoratu ditu Ertzaintzak kasu batzuetan “interes partidistak“ gidatuta jaso dituen zentzurik gabeko kritikak.
BERRIA
2012/04/13
EAJk babestu egingo ditu zaborrei buruzko Gipuzkoako BBNNen erabakiak
Euzko Alderdi Jeltzaleak, Bizkaian, babestu egingo ditu zaborrak tratatu eta batzeari buruz Gipuzkoako Batzar Nagusiek hartuko dituzten erabakiak.
BERRIA
2012/04/12
Bukarestera iristeko emaitza ona lortu beharra dago Lisboan
Athleticeko milaka zaletuen ametsak errealitate bilaka daitezke aurten. Lisboan Portugalgo Sporting taldearen aurrean emaitza ona lortuta, lehen urratsa izan daiteke europar futbolaren gailurrera begira eta Marcelo Bielsa “ Bielsa zoroaren” taldea ikus dezakegu Bukaresten maiatzaren 9an ospatuko den Europa Leagueren finalean.
BERRIA
2012/04/11
Landareen erabilera terapeutikoaren inguruko hitzaldiak eta tailerrak antolatu dituzte Jauregibarria Ingurumen Etxean
Amorebieta-Etxanoko Udalak landareen erabilera terapeutikoaren inguruko hitzaldiak eta tailerrak antolatu ditu Jauregibarria Ingurumen Etxean. Apirilean zehar egingo dira, bigarren astean, Carmen Romanelli naturopata, kinesologa eta Unidad Esencial metodoaren sortzailearen gidaritzapean.
BERRIA
2012/04/05
Ortuzar: “Aurten, bakean bizi dugun lehen Aberri Eguna ospatuko dugu”
Andoni Ortuzar, Bizkai Buru Batzarreko presidenteak, datorren igandeko Aberri Eguna aurkeztu du. “Aberri bizia. Más nación” da aurtengo Aberri Egunerako Euzko Alderdi Jeltzaleak aukeratu duen mezua.
BERRIA
2012/04/04
2012ko Aberri Eguneko adierazpena. Euskadi bizia
Urteurren saminak dira egunotan beteko direnak. Gogora ekartzen digute, iraganeko denboretan, gure Herriko biztanleri zibilaren kontra jaurti ziren bonben izua . Espainia handi,aske eta banaezin haren izenean, besterik gabe erail zen, bake eta askatasunean bizitzea baino beste helbururik zuen hiritargoa. Eraso guztiz anker,arbuiagarri eta ezaba ezinak izan dira hamarkada luzetan biktima izan direnontzat. Baina, ordea,sarraski haren eragileen eta erregimen haren izenean ez da sekula inolako erruki edo kalte ordainik eskaini. Gaur egun, gure artean zabalik daude oraindik, errepresio, zigor eta erailketa aldi beltzean eragindako zauriak.
BERRIA
2012/04/04
Getxoko Gernika Parkea zabalik
Gernika Parkea, 12.997 metro koadroko zabalerarekin da Getxoko parkerik handiena, eta gaur irekiko da urte beteko lanak amaitu ostean. Neguri auzoko beheko aldean dago, eta Getxoko toki publiko esanguratsuenak eguneratzeko eta egokitzeko pentsatu den egitasmoaren barruan kokatzen da. Lanak gauzatzeko hasierako aurrekontua hiru milioi ingurukoa bazen ere, azkenean 2.760.000 eurotan egin da. Parkea ofizialki irekitzeko ekitaldia Aste Santuaren ondoren egingo da, eta eguna behar bezala iragarriko da.
BERRIA
2012/04/04
Bizkaiak turismo sustatuko du
Abestiaren titulua “Bizkaia, naizen guztia” da, eta bideoa “El Mentón de Fogarty” taldeak egin du. Bideoaren bitartez, Bizkaiko Foru Aldundiak Lurralde Historikoko turismoa sustatuko du. Klipa honako leku hauetan jarriko da ikusgai: foru erakundeak atzerrira egiten dituen bidaia guztietan, parte hartzen duen turismo-azoketan, antolatzen dituen ekitaldi guztietan, Bizkaiko Foru Aldundiaren laguntza edo diru-laguntza jasotzen duten erakundeek antolatutako ekitaldietan, eta El Sol jaialdian. Halaber, Atlhetic Club-ekin eta Gescrap Bilbao Bizkaia-rekin sinatutako hitzarmenetan ezarritakoaren arabera, kirol-klub horiek jokatzen dituzten partiden bideomarkagailuetan proiektatuko da.
BERRIA
2012/04/03
Galdakaok Guda Zibilak Euskadin izan zuen garapenaren inguruko erakusketarik handiena ireki du
Galdakaoko Udalak, Sabino Arana Fundazioak eta Galdakao Gogora taldeak Torrezabal Kultur Etxean aurkeztu dute Guda Zibilak Euskadin izan zuen bilakaeraren inguruko erakusketarik handiena. Erakusketa honetan, toki berean uztartzen dira , “ Inoiz ere ez! 1936-1939 gerrako irudiak” izenburuko erakusketa ibiltaria, gerrek eragiten dituzten ondorio etsigarrien inguruko hausnarketa egiteko pentsatu dena, eta Galdakao Gogora taldeak eta herriko Udalak berreskuratu ahal izan dituzten Galdakao herriko argazki eta agiriak .
BERRIA
2012/04/03
Ortuzar amnistia fiskalaren kontrako agertu da, eta “idulkitik jaistea” eskatu dio PPri
Andoni Ortuzar EAJren BBBren lehendakaria Mariano Rajoyren Gobernuak sustatutako amnistia fiskalaren kontrako agertu da, eta PPri eskatu dio igo den “idulkitik jaistea”, gehiengo absolutua duen arren, hartzen ari den neurriak “gehiengo sozialaren kontra” doazelako.
BERRIA
2012/03/28
Sopelanako EAJk salatu duenez Bilduren gobernua erabilera ”interesatu, alderdikoi eta okerra” egiten ari da
Sopelanako EAJk Bilduren udal gobernuak gaurkoan Bateragune auzia ixtea eskatzeko aurkeztu duen eskaera alde bakarreko eta alderdikoia salatu du.
