HARREMANETARAKO
WWW.EAJ-PNV.EUS
Prentsa Aretoa
Berriak
BERRIA
2010/10/21
Sondikak enologia eguna ospatuko du igandean
Sondikak ardo kulturari eskeinitako eguna biziko du igandean, urriak 24. Ardo azokak goizeko 10:00etatik eguerdiko 15:00ak arte ospatuko da Txorierri Etorbidean, non erakusketaz, dastaketetaz eta ardo salmentaz gozatu ahal izango den. Jardunaldi hau ospatzen den bigarren urtea da, aurten 20 izango dira kokatuko diren postuak, horietatik 16 jatorrizko deiturarekin, Errioxa, Arabako Errioxa, Rueda, Toro, Cádiz, Somontano, Cigales..., besteen artean. Bizkaiko Txakolina ez da faltako ezta munduko edozein lekutatik heldutako ardoak ere ez. Gainera, stand bi kokatuko dira, non Idiazabal gazta dastetzeko aukera egongo den. Pintxo hauek 50 zentimotara salduko dira.
BERRIA
2010/10/21
Arrigorriagako udalak biztanleriaren aurrean zabaldu du HAPNren berrikustea
Arrigorriagako Udalak bere auzokideen lankidetza eskatu du Hiri Antolamendurako Plan Nagusiaren berrikusketarako prozesuan. Etxebizitza, komunikazioak ekipamenduak, berdeguneak edo industria guneak bilduko dituen agiri honen berri emateko, toki arduradunek karpa bat kokatu dute udaletxeko plazan eta bertan egongo da informazioa azaroaren 9ra arte.
BERRIA
2010/10/21
Basauriko EAJ-PNVk herriko biztanleak defendatzen ditu Ría 2000 egitasmoaren inguruko informazio ezaren aurrean
Basauriko EAJ-PNVren udal taldeak salatu egin du auzokideek Ría 2000 erakundeak udalerrirako duen egitasmoaren inguruan dagoen informaziorik eza. Jeltzaleek ez dute onargarri jotzen biztanleek komunikabideen bidezko informazioa jasotzea eta PSEri galdetu diote gaiaren inguruko informazioa eman dezan.
BERRIA
2010/10/21
Fiskaltzak Lezamako alkatesaren kontrako salaketa artxibatu du: “Ez dago deliturik”
Bizkaiko Fiskaltzak Alaitz Etxeandia Lezamako alkatesaren kontra bere familiak Txupetxa aldean dituen lurzoruen inguruko ustezko prebarikaziozko delituagatik ezarri zen salaketa artxibatu egin du. Justizi erakundeak ez du delitu zantzurik antzeman Lezamako agintari nagusiaren jardueran.
BERRIA
2010/10/21
EAJ-PNVk Euskadin produzitzen den txakolinaren jatorri deituren babesa lortu du
Diputatuen Kongresuko Ingurumen, Nekazal eta Itsasoko gune Batzordeak aho batez onartu du Euzko Abertzaleak taldeak Euskadin produzitzen den txakolinaren jatorri deiturak babesteko aurkeztu duen Ez Legezko Proposamena.
BERRIA
2010/10/20
“Euskadiko lehiakortasunaren hobekuntzan Lanbide Heziketa estrategikoa izango da”
"Euskadiko lehiakortasunaren hobekuntzan Lanbide Heziketa berebiziko papera izango du eta giltza izango da behar dugun eredu emankor berriaren garapenean". Hau izan da Euzkadi Buru Batzarraren presidente den Iñigo Urkulluk gaur arratsaldean, Sabin Etxean Euskadiko Lanbide Heziketaren etorkizunari buruz izan den mahai inguruan, egin duen hausnarketatiko bat.
BERRIA
2010/10/20
Sestaoko EAJ-PNVk bizilagunak inplikatzeko egitasmoa jarri du abian, auzokideak jeltzaleen hauteskunde programan parte har dezaten
2011ko maiatzeko udal hauteskundeetarako zazpi hilabete falta direla, Sestaoko EAJ-PNVren udal taldeak hiritarren parte hartzea bultzatzeko kanpaina jarri du abian. Honen bidez, hauteskunde programa egiteko orduan bizilagunen lankidetza eskatu eta proposatzen da "denon artean gure udalerrirako egitasmo ilusioduna eraikitzerik izan dezagun", azaldu du Josu Bergara alkatetzarako hautagai jeltzaleak.
BERRIA
2010/10/20
Basauriko EAJ-PNVk gazte plana eta gazteentzako eztabaidagunea sortzea proposatu du eta udal Gobernuaren “interesik eza” salatu du
Basauriko EAJ-PNVren udal taldeak udal Gobernu taldeak gazteekiko mantentzen duen "interesik eza", salatu du eta, zentzu honetan, gazte plana eta gazte eztabaidagunea sortzea proposatu du.
BERRIA
2010/10/20
Larrabetzuk Neinor enpresa parke berriaren lehen harria jarri du
Tomas Ordeñana Larrabetzuko alkateak eta Agustín Fernández Neinorren lehendakariak atzokoan jarri zuten Neinor Larrabetzu enpresa parkea egiteko lehen harria. Sasines auzoan kokatuta, zuzeneko 750 lanpostu sortzea ahalbidetuko du.
BERRIA
2010/10/20
Mundakako alkateak eta ahaldun nagusiak web orri berria aurkeztu dute
Mundakako alkateak eta ahaldun nagusiak web orri berria aurkeztu dute. Web orri berriari esker www.mundaka.org 16 izapide telematiko oso egin daitezke edozein lekutatik, Udaleko bulegoetara joan beharrik gabe.
BERRIA
2010/10/19
Lezamako Udalak Garaioltzako espaloia aldatu, argiak hobetu eta zoladura aldatuko ditu
Garaioltza auzoak eta zehatzago esanda, udaletxe osteko kaleko zatian hainbat hobekuntza izango ditu igaro den astean hasi eta hiruhileko honetan amaituko diren lanei esker. 98.000 euroko aurrekontuarekin Bizkaiko Udalekiko Harreman sailaren diru laguntasuna jaso dute, 66.571 euroko kopuruarekin aurrekontu osoaren %60 laguntzen duelako. Gainerakoa Lezamako udalaren ardurapekoa izango da.
BERRIA
2010/10/19
Trapagarango EAJ-PNVk berriztatu berri den geltokian hobekuntzak egitea eskatu dio Renferi
Trapagarango EAJ-PNVk Renferi eskatu dio berriztatu berria den geltokia hobetzeko behar besteko lanak egin ditzala. Nagusiki, geltokia eta ibiltokia banatzen dituen harresia botatzea, aparkaleku berriak egokitzeko; eta lurrazpiko eremua hobetzea, udalerriko bigarren geltokiari zerbitzua ematen diona.
