HARREMANETARAKO
WWW.EAJ-PNV.EUS
Prentsa Aretoa
Berriak
BERRIA
2011/08/22
Barakaldoko EAJ geltoki aurreko palmondoez kezkaturik dago
Euzko Alderdi Jeltzaleak Barakaldoko Udalean duen zinegotzi-taldeak udal arduradunei jakinarazi dienez, Ibarra eta Murrieta kaleetan bizi diren auzotarrak kezkatuta daude, zeren eta, salatu dutenez, oinezkoak igarotzeko trenbidearen gainean eta Desertu-Barakaldo RENFEren geltokiaren gainean egingo den pasabidea eraikitzeko obrekin arriskutan jar baitaiteke auzoan historikoak diren hiru palmondoren bizia.
BERRIA
2011/08/19
Bilbo, hiriburu digitala, Hiri Digitalen Topaketa Iberoamerikarra dela-eta
BiscayTIK Fundazioak antolatuta, 2.000 bat lagun batuko dira Bizkaiko hiriburuan administrazio publikoaren eremuan teknologia berrien ezarpena aztertzeko nazioarte mailan egiten den gaztelerazko biltzarrik garrantzitsuenean.
BERRIA
2011/08/18
Udalak, merkatariek eta konpartsek bat egin dute Aste Nagusian eraso sexistak desagerrarazteko
Alde Zaharreko Merkatari Elkarteak bat egin du Bilboko Udalarekin eta Bilboko Konpartsekin hiritarrak indarkeria matxista mota ororen aurka egon daitezen sentsibilizatzeko eta Bilboko Aste Nagusian “eraso sexistak zeharo desagerrarazteko”. Udaltzaingoak eman dituen datuek erakusten dutenez, 2010eko Aste Nagusian sei esku-hartze izan ziren genero-indarkeriaren arloan; lau esku-hartze familiaren barruko indarkeriagatik, eta esku-hartze bat sexu-erasoa salatzeagatik.
BERRIA
2011/08/18
Ortuzarrek dio “pentsaezina eta astakeria galanta” izango litzatekeela Euskadik aldundiak bazter uztea
Bizkaiko EAJren lehendakaria den Andoni Ortuzarrek adierazi duenez, “pentsaezina eta astakeria galanta” izango litzateke Euskadik aldundiak bazter uztea, eta esan du “Espainiako Estatuaren gobernu-ereduan eta eredu ekonomikoan hainbat eta hainbat aldaketa” egin daitezkeela “erakundeak kendu” baino lehen. Horrezaz gainera adierazi du bai PSOEk eta bai PPk “egunero” egingo dituztela “hauteskunde-hatsa” duten eta krisitik irteteko ezertarako balio ez duten proposamen “deigarriak”.
BERRIA
2011/08/17
“Lópezen Gobernuak euskara bigarren kategoriako hizkuntza izatea nahi du”
Euzko Alderdi Jeltzalearen iritziz, Eusko Jaurlaritzak hizkuntzaren alorrean hartu duen azken erabakia hizkuntza-normalizaziorako atzerapauso ikaragarri handia da; izan ere, erabaki horren arabera, euskara merezimendu huts-hutsa izango da Eusko Jaurlaritzarako hurrengo oposizioetan.
BERRIA
2011/08/17
“Izurri eta gaitz guztietatik libra gaitzala” eskatu dio Iñaki Azkunak San Rokeri
Iñaki Azkuna Bilboko alkatea San Roke baselizan santuaren egunean urtero eman ohi den mezatan izan da astearte honetan; meza horretan, “izurri guztietatik eta gaitz guztietatik libra gaitzala” eskatu dio santuari, “izurri eta gaitz gehiegi dago-eta”. Sondikako udal mugartean dagoen Artxandako San Roke baselizan abuztuaren 16an urtero ematen den mezatara joan aurre-aurretik egin zituen alkateak adierazpen horiek. Azkunarekin batera, Udalaren Herri Lan arloko zinegotzi José Luis Sabas eta Sondikako alkatea den Gorka Carro jeltzalea ere izan dira meza horretan.
BERRIA
2011/08/17
Andoni Ortuzar: “Alderdi ezberdinak gara”
Euzko Alderdi Jeltzalearen Euzkadi Buru Batzarraren lehendakari Andoni Ortuzarrek salatu duenez, abertzaleok hauteskunde orokorretara elkarrekin joateko Bilduk egin duen proposamenaren asmoa “hutsetik hastea da, politika eurek asmatu izan balute bezala”; burukide jeltzaleak gaineratu duenez, ezker abertzalea ez dabil “zintzo” eskaintza horrekin, horrela bere “kontraesanak eta hutsegiteak” ostendu nahi baititu.
BERRIA
2011/08/16
Mungialdeko Partzuergoak 40.339 euro xedatu ditu ‘Jagoten‘ izeneko famili mendetasun-egitaraua garatzeko
Mungialdeko Gizarte Zerbitzuetarako Partzuergoak 40.339 euro xedatu ditu erakunde horretan bildurik dauden Bizkaiko zazpi udalerrietan famili arloko mendetasunari jaramon egiteko egitaraua garatze aldera. Egitarau horri ‘Jagoten‘ deritzo, eta Partzuergoak egitaraua bi urteko epealdirako adjudikatzeko prozesua abiarazi du Arrietan, Bakion, Fruizen, Gamiz-Fikan, Laukizen, Meñakan eta Mungian; bi urteko epealdi hori beste bi urterako luza daiteke.
BERRIA
2011/08/16
“Bilduren atzean ostentzea” leporatzen dio Ortuzarrek Ezker Abertzaleari eta “ETAren aurrean ausart eta argi jokatzeko” eskatu dio
Andoni Ortuzarrek, Euzko Alderdi Jeltzalearen Bizkai Buru Batzarraren lehendakariak, “ausarta ez izatearren Bilduren atzean ostentzea” leporatu dio Ezker Abertzaleari, eta “ETAren aurrean ausart eta argi jokatzeko” eskatu dio. Halaber, buruzagi jeltzalearen iritziz, Bildu ilegaltzat jotzea “hutsegite handia" izango litzateke, eta esan du koalizio burujabezaleak hauteskundeetara EAJrekin batera joateko egin duen proposamena “tranpa" bat dela.
BERRIA
2011/08/12
Muskizko eta Zierbenako alkateek Espainiako Armadak beren udal mugarteetan egin dituen maniobrak kritikatu dituzte
Borja Liaño Muskizko alkateak eta Marce Elorza Zierbenako alkateak gogor ere goro kritikatu dituzte Espainiako Armadak La Arena hondartzan egin dituen maniobrak, zeren, gainera, ez baitzuten inolako informaziorik jaso maniobra horien gainean. “Zeharo onartezina da hori” eta “maniobrok burutzeko ziur badirena jende gutxiago ibiltzen den tokirik”, adierazi dute.
BERRIA
2011/08/12
Orozkoko EAJk gezurtatu egin ditu egungo gobernu taldeak aurreko kudeaketari buruz egin dituen kritikak
Euzko Alderdi Jeltzaleak Orozkon duen udal taldeak ihardetsi egin die gaur egun Udala gobernatzen duen ADIE taldeak jeltzaleen aurreko udal gobernuaren kudeaketaren gainean egin dituen kritikei, eta zeharo gezurtatu ditu kritika horiek guztiak. Euzko Alderdi Jeltzalearen Orozko Buru Batzarraren bozeramaileak adierazi duenez, “gezurra da lehengo alkateak lansaio erdia izateak diru-laguntzak galtzea eragin duenik”.
BERRIA
2011/08/11
Trapagarango Udala eta Baturik alkartea batu egin dira tokiko merkataritzea eta ostalaritzea sustatzeko
Trapagarango Udalak eta Baturik alkarteak lankidetza-hitzarmena sinatu dabe tokiko merkataritzea eta ostalaritzea sustatzeko; hitzarmen horri esker, erakunde biek barrikuntza asko egiteko konpromisoa hartu dabe: Udalak Merkataritzea Indartzeko Plana idaztea aztertuko dau, eta alkarteak neurri multzoa prestatzea.
