HARREMANETARAKO
WWW.EAJ-PNV.EUS
Prentsa Aretoa
Berriak
BERRIA
2010/03/31
“Eusko Jaurlaritzak lantzadera martxan jartzeko iragarpenarekin itxuratu nahi du Metroa Galdakaora heltzea”
Galdakaoko Gobernu taldeak salatu duenez, Eusko Jaurlaritzak herrira Metroaren etorrera itxuratu nahi dute zoru azpiko trenarekin lotuko den lantzadera martxan jarrita. Justo Iraurgi Galdakaoko alkate ordeak gogoratu duenez, "lantzadera bat beti izan da Udalean ondo ikusita, baina guk beti esan dugu azpiegitura honen kostea Udalen gainetik dauden erakundeek bereganatu behar dutela eta beste talde batzuek ezartzen zuten Galdakaoko hiritarrek ere ordaindu beharra zutela".
BERRIA
2010/03/31
Barakaldoko EAJ-PNVk Gizarte Ongizate arloak aurreikuspenak betetzea eta EELZ jasotzeko itxaron zerrendarekin albait arinen amaitzea espero du
Barakaldoko EAJ-PNVren udal taldeak espero du Udaleko Gizarte Ongizate arloak bere aurreikuspenak betetzea eta "albait arinen" Etxez Etxeko Laguntasun Zerbitzua jasotzeko itxaron zerrendarekin amaitzea. Jeltzaleek "beste behin ere" beren etsipena erakutsi dute Barakaldoko Udalaren Gizarte Ekintza arloko arduradunak gaur goizean EAJ-PNVren eskariz ospatu izan den batzordean emaniko erantzun eskasen aurrean.
BERRIA
2010/03/31
Ortuzarren esanetan Urdaibaik “paradoreak” baino “garapena” behar du eta ezin da “postal hutsa izatera kondenatu”
Andoni Ortuzar EAJ-PNVren BBBren lehendakariak baieztatu duenez Urdaibaik "garapena behar du eta ez paradoreak". Hitz hauekin erantzun dio Eusko Jaurlaritzak museo bat jartzearen kontrako alternatiba gisa paradorea egiteko aurkeztu duen planteamenduari. Ortuzarrek eskatu du "ez dezatela Urdaibai postal hutsa izatera kondenatu" eta berretsi egin duenez jeltzaleek Guggenheim Urdaibai egitasmoaren alde egin duten proposamena. "Benetako elementu motorea da eta horren aldeko borrokan jarraituko dugu".
BERRIA
2010/03/31
Mungiak Gizarte Kontseiluaren lehen bilera ospatu du
Martxoan bertan, Mungia herriak Gizarte Kontseiluaren lehen lan bilera egin du. Bertan izan dira oraingo udal korporazioaren hamalau ordezkariak eta udalerriko elkarte eta erakundeetako ordezkariak. Kontseilu honetan ere udalerriko profil, adin eta ezaugarri ezberdinetako hiritarrak daude, bakoitzak bere ikuspuntu propioa eskaintzen duelarik.
BERRIA
2010/03/31
Romoko Txabarri Zuazo, estalpeko jolasgunea eta belar artifizialeko kantxa duen Getxoko lehenengo parkea zabaldu dute herritarrentzat
Romo auzoan Gobernu taldeak bultzatutako modernizazio prozesuak urrats berria egin du gaur inauguratu baitute eta zabaldu baitute herritarrentzat, inolako zalantzarik gabe, Alkate Imanol Landak nabarmendu duenez, Getxoko parkerik onena dena: Txabarri Zuazokoa. Aisialdi eta jolaserako 6.100m2-ko azalera duen tokia da, hain zuzen ere, eta udalerriko umeentzako lehen estalpeko jolasgunea eta belar artifizialeko kantxa duen parkea da. Berau urbanizatzeko proiektuak 1.778.000 euroko aurrekontua izan du, Tokiko Inbertsioko Estatu Funtsaren kontura.
BERRIA
2010/03/30
Santurtziko udal batzak aho batez onartu du Hijas de la Cruz patronatutza administrazioarekiko auzien prozedura bidez errekurritzea
Santurtziko Udalak ezohiko osoko bilkuran onartu berri du Hijas de la Cruz ikastetxearen patronatutza administrazioarekiko auzien prozedura bidez errekurritzea. José Luis Landaburu Hirigintza zinegotziak azaldu duenez, "aurkeztu dugun errekurtsoa isiltasun administratiboz izan da errefusatua".
BERRIA
2010/03/30
Azkuna: “Zer ote dago Zapaterok enpresa handiei blindatzea kentzeko duen gogo horren ostean?”
Iñaki Azkuna Bilboko alkateak bere buruari galdetu dionez "zer ote dago José Luis Rodríguez Zapatero Gobernu buruak enpresa handiei blindajea kentzeko duen gogo horren atzean?".
BERRIA
2010/03/30
Balmasedako Udalak 107 lanpostu sortuko ditu
Balmasedako Udalak enplegua bultzatu nahi du eta 107 lanpostu sortuko ditu egitarau ezberdin batzuen bitartez. Ekimen hau martxan jartzeko, Udalak 826.200 euroko diru laguntasuna eskatuko dio INEM erakundeari.
BERRIA
2010/03/29
Urduñako Udalak %100ean lagunduko ditu ziklogenesi leherkorrak eragindako kalteengatiko lan baimenak
Urduñako Udalak %100ean lagunduko ditu otsailaren 27an ziklogenesi leherkorrak kaltetutako eraikinetarako eraikitzeko baimenak. Gertakari honek 895.979 euroko kalteak eragin zituen udalerrian.
BERRIA
2010/03/29
Ortuzar: “PP eta PSE arteko ezbaia hitzartutako antzerkia da, beren arteko akordioa sendoa baita”
Andoni Ortuzar EAJ-PNVren BBBren lehendakariak baieztatu duenez PP eta PSEalderdiaren artean Estatuko Gobernuak ETArekin negoziatzearen inguruan mantentzen dituzten ezbaiak "itxurakoak" dira eta "hitzartuta" daude, bien arteko hitzarmena "oso sendoa" delako.
BERRIA
2010/03/28
Ortuzar: “Zapatero maldan behera doan Gobernua zuzentzen du. Zurbano ezereztu du eta inork ez du beragan konfiantzarik”
Andoni Ortuzar EAJ-PNVren BBBren lehendakariak gaur goizean esan du José Luis Rodríguez Zapaterok "maldan beheran doan Gobernua" zuzentzen duela, "Zurbano ezerezean utzi du eta inork ez du beragan konfiantzarik". Ortuzarrek berba hauek erabili ditu Iñaki Azkuna, José Luis Bilbao eta Ana Madariaga EAJ-PNVk hurrenez hurren Bilboko alkatetzarako, Bizkaiko Aldundi Nagusirako eta Bizkaiko Batzar Nagusietako Lehendakarirako aukeratu dituen hautagaiak aurkezteko ekitaldian.
BERRIA
2010/03/26
Andoni Ortuzar: “Udalak eta auzokideek ez dituzte Sestaoko Casa del Puebloko plater apurtuak ordaindu behar”
Andoni Ortuzar EAJren BBBren lehendakariak eta Sestaoko udalerriko zortzi zinegotzi jeltzaleek gaurkoan salatu dute Marcos Merino sozialistak zuzentzen duen Udalak bizi duen gelditze egoera. Eta ez dira hitz soiletara mugatu. "Udalak eta auzokideek ez dituzte Sestaoko Casa del Puebloko plater apurtuak ordaindu behar" esan du Ortuzarren. Sestaoko EAJren udal taldeak 40 neurriz osatutako proposamena aurkeztu dute legegintzaldia amaitu arte, Udalaren egiazko egonkortasuna bermatze aldera.
