HARREMANETARAKO
WWW.EAJ-PNV.EUS
Prentsa Aretoa
Berriak
BERRIA
2010/03/18
EA eta ANVk Labein ezeztatuz Gatika txirotu dute Ezeztapen honen ondorioz herriak diru askoko inbertsio eta lanpostuak galdu ditu
Gatikako udal talde jeltzaleak EA eta ANV taldeek eragindako boikotari egotzi dio Labeinek udalerrian ez kokatzeko hartu duen behin betiko erabakiaren ardura. Egitasmo hau erortzean, Gatikako auzokideek galdu egiten dute nazioarte mailan ezaguna den enpresa udalerrian ezartzeko aukera, eta ezarpen honek Gatikan ekarriko lituzkeen laguntasun zuzenak eta zeharkakoak ere. "Guztiz arduragabea, garai batean egitasmoaren bultzatzailea izan zena, orduko EAren alkatea eta oraingo zinegotzia den Iñaki Aginaga ANVrekin joatea herriarentzat lanpostuak eta baliabideak ekarriko lituzkeen egitasmoa boikoteatzeko" gaitzetsi du Gatikako udal talde jeltzaleak.
BERRIA
2010/03/17
Aparkaleku mugatu eta doakoa Mungiako hirigunean
Mungiako Udalak martxan jarri du aparkaleku doako eta mugatua udalerriko hirigunean, eta zehatzago esanda Alkartasuna, Bentades eta Trobika kalean Itxaropena kalera arte, Aita Elorriaga kaleko ezkerreko aldetik eta Itxaropenara arte.
BERRIA
2010/03/17
Barakaldoko EAJk Tontxu Rodriguezi eskatu dio “exekutiba sozialistako kide gisa baino, alkate gisa jardun dezala”
Amaia del Campo, Barakaldoko Udalean EAJren bozeramaileak, Tontxu Rodriguez alkateari eskatu dio "Eusko Jaurlaritzak egindako zentzugabekerien kontra ager dadila". Halaber, eskatu egin dio "sozialisten exekutibako kide gisa baino, alkate gisa jardun dezala" .
BERRIA
2010/03/17
Santurtzi emakume eta gizonen arteko berdintasunaren alde, Santurtzi Berdingunea sarea sortu du
Santurtziko Udalak Santurtzi Berdingunea aurkeztu du, emakume eta gizonen berdintasunerako eta bortxakeria matxistaren kontra Santurtziko gizonei zuzendutako toki esku hartzerako ekimena . "Ekimen berritzaile eta bakarra da Euskadi mailan, bortxakeriaren inguruan sentsibilizatzeko eta komunikatzeko xedez egiten dena" adierazi du Ricardo Ituarte Santurtziko Alkateak. Ekimena, Ander Bergara, Emakundeko kidearekin eta Ritxar Bacete Gizonduz taldeko koordinadorearekin batera aurkeztu du.
BERRIA
2010/03/16
Barakaldoko EAJk azalpenak eskatu ditu Etxez etxeko udal Laguntasun Zerbitzuak daraman atzerapenagatik
Barakaldoko EAJren udal taldeak gaurkoan Gizarte Ongizate Batzordea berehala deitzea eskatu du Etxez etxeko Laguntasun Zerbitzuak daraman atzerapena azal dezaten. Langileen ordezkariek beren kezkak adierazi dute beren lan etorkizuna dela eta, baina Udala beren lanpostua bermatzeko behar besteko erabiltzaileei alta eman gabe dago oraindik. Barakaldoko EAJk iragarri duenez "kezkagarriena da Gobernu taldeak berak aitortu duena, hau da 450 erabiltzailek osatzen duten itxaron zerrenda dagoela".
BERRIA
2010/03/16
Ortuzarren esanetan “arduragabekeria handia da Eusko Jaurlaritzak porrot egin duelako sentsazioa ematea”
Andoni Ortuzar EAJren BBBren lehendakariak baieztatu duenez “arduragabekeria handia da Eusko Jaurlaritza porrot egoeran dagoelako sentsazioa ematea”; adierazi duenez Lopezen Exekutiboari eskatuko dio diruzaintzan zenbat diru dagoen esatea, bestela “zerbait larria gertatu delako seinalea litzateke”.
BERRIA
2010/03/15
Enkarterrialdek udalerrientzako informazio erabilgarria bildu du bioaniztasunaren inguruko Estatuko lehen tailerrean
Enkarterrialde Bizkaiko eskualdeko Landa Garapenerako Elkarteak, eskualdeko 21 Bulegoaren ordezkaritzan, Gernikan "Bioaniztasuna udal politikan integratzeko tresnak" izenburupean ospatu izan den tailerrean parte hartu du. Honakoa, Estatu osoan egin den lehena da eta helburua izan da toki esparruaren gaineko informazio erabilgarria biltzea.
BERRIA
2010/03/14
Ortuzar: “PSE eta PPren arteko akordioak 137.000 euskaldun langabetu ekarri ditu”
EAJren Bizkai Buru Batzarraren presidente den Andoni Ortuzarrek gaur Txurdinagako Europa Parkean egin dituen adierazpenetan adierazi duenez, "larunbatean José Luis Rodriguez Zapatero eta Mariano Rajoy pozik agertu ziren Euskadin dagoen akordioarekin. Akordio hau agian Espainiar estatuan poztasuna eskaintzen duen akordioa izango da baina Euskadin, batetik, errebantxa, mendekua eta kontu kitatzeak utzi ditu eta, bestetik, 137.000 euskaldun langabetu gehiago. 137.000 langabetu eta lehendakaria bere 11 sailburuekin, izan ere, horiek ere lan egin gabe baitaude. Gaur egunekoa, ekonomi arloan, guztiz geldirik dagoen Gobernua da".
BERRIA
2010/03/12
Ortuzar: “Kanpo ekintza hutsaren hurrengoa da Eusko Jaurlaritzarentzat”
Andoni Ortuzar BBBren lehendakaria eta Euzko Abertzaleak taldeko legebiltzarkideak jeltzaleei Eusko Jaurlaritzak egiten duen kanpo politikarekiko sortu zaien kezka azaldu du gaur goizean Legebiltzarreko agerraldian.
BERRIA
2010/03/12
El batzoki de Gernika reabre sus puertas moderno y polivalente
El batzoki de Gernika ha reabierto sus puertas este viernes con un acto en que han estado presentes el presidente del Bizkai Buru Batzar, Andoni Ortuzar; los burukides del BBB, Xabier Sagredo y Unai Rementeria; y representantes municipales.
BERRIA
2010/03/11
Fadurako udal kiroldegiko ekipamenduen berriztatzea azken fasean sartu da
Fadurako udal kiroldegiko instalazioak zaharberritzeko, Udalak, 2008ko ekaineko uholdeek utzitako kalteen ondotik abiatutako plana azken fasean sartu da eta aurtengo lehen seihilekoan amaitzea aurreikusita dago. Lan horiek 2008ko bigarren seihilekoan hasi ziren eta 7 milioi euro inguruko inbertsioa ekarri dute. Diru-kopuru honen %90 Bizkaiko Foru Aldundiak emango du.
BERRIA
2010/03/11
Getxon 3.000 tona hondakin gutxiago batu ziren iaz krisia dela eta
Getxon iaz sortutako hondakin kopurua, 32.600 tona inguru, asko gutxitu zen krisi ekonomikoaren eraginez, 2008an baino 3.000 tona gutxiago jaso baitziren. Ingurumen udal arloak birziklapenerako gaikako material-bilketari buruz kaleratutako balantzean jasotzen denez, pasa den urteari dagokion kopurutik, 25.500 tona pasatxo hondakin ez ziren birziklatzekoak. Birziklatutako material kopurua, berriz, -besteak beste, paper, beira, ontziki, pila, aparailu elektriko-, 7 mila tonatik gorakoa izan da, aurreko ekitaldikoaren antzeko kopurua, alegia, soilik %0,36ko igoera izan baitu.
